Mexhiti: Eshaloni i parë ka përfunduar, kemi një zv.kryeministër të parë, 6 ministri, 7 zv.ministra dhe 5 sekretarë shtetëror

Izet Mexhiti nga VLEN tha se ka përfunduar marrëveshja me VMRO-DPMNE-në për eshalonin e parë. Mexhiti thotë se grupet e punës tashmë po punojnë për ta operacionalizuar marrëveshjen.

“Eshaloni i parë është kryer. Këto ditë po punojnë grupet për ta, jo për ta bërë marrëveshjen, por për ta operacionalizuar marrëveshjen. Ne nuk i kemi demantuar, poshtë lartë ato janë ministritë. Kemi kryeparlamentarin, 6 ministri, 7 zëvendës ministra dhe 5 sekretarë shtetëror dhe ata dihen se cilët janë konkretisht dhe një zëvendëskryeministër të parë”, tha mes tjerash Mexhiti.