Guterres shton ushtrinë izraelite në listën e zezë globale për shkeljet ndaj fëmijëve

Sekretari i Përgjithshëm i OKB-së, Antonio Guterres, listoi ushtrinë izraelite në listën globale të vendeve që kanë kryer shkelje ndaj fëmijëve, transmeton Anadolu.

Këtë e bëri të ditur ambasadori i Izraelit në OKB, Gilad Erdan, përmes një postimi në rrjetet sociale.

“Kam marrë njoftimin zyrtar për vendimin e Sekretarit të Përgjithshëm për të vendosur ushtrinë izraelite në ‘listën e zezë’ të vendeve dhe organizatave që dëmtojnë fëmijët”, tha Erdan në X, duke shtuar:

“Kjo është thjesht fyese dhe e gabuar, sepse Hamasi ka përdorur fëmijët për terrorizëm dhe përdor shkollat ​​dhe spitalet si komplekse ushtarake”.

Erdan më tej tha se ai iu përgjigj “vendimit të turpshëm” të Guterres-it dhe tha se ushtria izraelite është “ushtria me më së shumti moral në botë”.

“I vetmi që futet në listën e zezë është Sekretari i Përgjithshëm që nxit dhe inkurajon terrorizmin dhe është i motivuar nga urrejtja ndaj Izraelit. Sekretari i Përgjithshëm duhet të ketë turp për veten!” u shpreh ai.