Ahmeti nga Saraji: Rrënjët tona janë nga UÇK-ja dhe të arriturat tona të përbashkëta në këto 17 vite

Dega e Bashkimit Demokratik për Integrim (BDI) në Saraj të Shkupit, sonte ka mbajtur Kuvendin e rregullt zgjedhor në të cilin ka zgjedhur kryesinë e re, ndërsa për kryetar dega ka zgjedhur profesor Isni Jakupi.

Fjalimi i Ali Ahmetit:

Rrënjët tona janë nga UÇK-ja dhe të arriturat tona të përbashkëta në këto 17 vite nuk shlyhen dot nga pasuesit dhe pasardhësit e sotëm të OZNËS dhe UDBËS të cilëve ju ka plasur rrashta e kokës kur e ndëgjojnë gjuhën shqipe gjithandej, kur e shohin flamurin tonë kombëtar, dy universitetet shtetërore, Hasan Prishtinën, Isa Boletinin e Skenderbeun si dhe shumë e shumë arritje të tjera.

Kot e keni, nuk shlyhen dot këto gjurmë të cilat qytetarët tanë i shohin çdo ditë dhe i vlerësojnë.

Kot e kanë edhe viktimat e pasardhësve të shërbimeve sepse porositësit e tyre do të mbesin nën hije, ndërsa ata do të biejn pre në fund.

Të vijojmë të bëjmë punë të mira, punë të mbara, punë që nuk shlyhen dot sepse mbajnë vulën e UÇKsë dhe BDIsë të cilat janë vlera të këtij kombi dhe ky komb nuk lejon t’ia prekësh vlerat e shenjta.