Zaev: BIE është partneri dhe mbështetësi jonë në rrugën evropiane

Banka investuese evropiane (BIE) do të vazhdojë të investojë në zhvillimin shoqëror dhe ekonomik të Republikës së Maqedonisë së Veriut me mbështetje të projekteve për rimëkëmbje më të shpejtë ekonomike nga pasojat e pandemisë me KOVID-19 me fokus të veçantë të ndërmarrjeve të vogla dhe të mesme, si dhe për projekte nga Axhenda e gjelbër për investime në energji të rinovueshme, efikasitet energjetik dhe dixhitalizim si pjesë e programit që rrjedh nga Plani investues ekonomik për Ballkanin Perëndimor.

Ky, siç informoi pres shërbimi qeveritar, është konkludim i përbashkët nga takimi i kryeministrit Zoran Zaev dhe ministrit të Financave Fatmir Besimi me kryetarin BIE-së Verner Hojer dhe nënkryetaren e bankës Liljana Pavlova.

BIE është e gatshme të zgjerojë bashkëpunimin e saj të suksesshëm me Qeverinë e Maqedonisë së Veriut dhe të kontribuojë më tej në arritjen e standardeve evropiane për konkurrencën e ekonomisë maqedonase, për të mbështetur projektet kryesore të infrastrukturës dhe kalimin në një model ekonomik më të gjelbër dhe më të qëndrueshëm. Deri më tani, BIE ka investuar gati 970 milion euro në 29 projekte në Republikën e Maqedonisë së Veriut, duke mbështetur sektorët kryesorë të ekonomisë – infrastrukturën, energjinë, transportin dhe ndërmarrjet e vogla dhe të mesme.

“Qeveria e Maqedonisë së Veriut së fundmi e miratoi Skenarin e gjelbër për zhvillimin strukturor të sektorëve të transportit, energjisë, mjedisit dhe ndryshimit të klimës. Ne kemi një agjendë ambicioze që do të mbështetet nga investime të konsiderueshme, si një kontribut për të ardhmen jo vetëm të Maqedonisë së Veriut, por edhe të Evropës në tërësi. Ne besojmë se Banka Evropiane e Investimeve mund të jetë partneri ynë kryesor në këtë përpjekje dhe unë pres bashkëpunim të ngushtë dhe të suksesshëm në vitet e ardhshme”, theksoi kryeministri Zaev në takimin me të parët e BIE-së.

Në takimin e punës të delegacionit qeveritar me BIE-në u theksua partneriteti tradicional në periudhën e ardhshme me mbështetjen për zbatimin e dy projekteve kryesore aktualisht në Maqedoninë e Veriut për të cilat vendi aplikoi për thirrjen e fundit për grante investimesh në kuadrin e Kornizës së Investimeve të Ballkanit Perëndimor – Stacioni i pastrimit në Shkup dhe faza e tretë e lidhjes hekurudhore përgjatë Korridorit 8, krahu lindor drejt Bullgarisë.

“Kryetarit Hojer ia transmetova interesin tonë për bashkëpunim më të mirë në zbatimin e agjendës sonë të investimeve të paraqitur përmes Listës së Vetëm të projekteve, për të cilat ne ftuam BIE për të hapur një zyrë përfaqësimi në Maqedoninë e Veriut. Në tërësi, një fillim i shkëlqyeshëm i vizitës së punës në Luksemburg, me inkurajimin që morëm nga maja e bankës për të gjitha planet tona në periudhën post-kovid dhe për planin tonë për të rifilluar ekonominë dhe për t’u kthyer në trendet e zhvillimit që Banka Evropiane e Investimeve i njohu ata dhe do t’i mbështesë në të ardhmen”, deklaroi kryeministri Zaev.

Hojer, siç thonë nga Qeveria, nga ana e tij, theksoi se përparësia e bankës është të mbështesë Maqedoninë e Veriut sa më shpejt të jetë e mundur për t’u rikuperuar nga pandemia e KOVID-19 dhe të përparojë në rrugën e saj drejt aderimit në BE.

“Jemi të gatshëm ta mbështesim tranzicionin e vendit në një ekonomi më të gjelbër, më gjithëpërfshirëse dhe të qëndrueshme me fonde dhe këshilla teknike. Kryeministri Zaev dhe unë ndajmë një vizion dhe angazhim evropian për një rajon të fortë ekonomikisht të Maqedonisë së Veriut dhe Ballkanit Perëndimor dhe ne duam të shohim përfitime më të mëdha për Maqedoninë e Veriut nga Plani i Investimeve Ekonomike të Komisionit Evropian. Si Banka Klimatike e BE-së, EIB mirëpret angazhimin e fortë të kryeministrit Zaev për të mbështetur përhapjen e Axhendës së Gjelbër dhe unë jam i kënaqur të shoh progresin e investimeve të gjelbra për Maqedoninë e Veriut”, potencoi kryetari i BIE-së Hojer.

Nënkryetarja e BIE-së, përgjegjëse për Maqedoninë e Veriut, Liljana Pavlova, vuri në dukje se fokusi i Bankës investuese evropiane në periudhën e ardhshme është përqendruar në mundësitë e përcaktuara në Planin Ekonomik dhe të Investimeve si rimëkëmbja e shpejtë e KOVID-19 , duke krijuar një treg më të fortë rajonal dhe klimë më të mirë për investime.

Ambasadori Dejvid Gir, si shef i Delegacionit të BE-së me rastin e mbajtjes së takimit, deklaroi se Bashkimi Evropian dhe Qeveria e Maqedonisë së Veriut po ndërtojnë një partneritet që kërkon më shumë dhe se së bashku ata zhvillojnë zgjidhjet më të mira për të promovuar Agjendën e Gjelbër, promovojnë lidhjen dhe forcimi i tregtisë brenda Tregut të Përbashkët Rajonal, me Planin e Investimeve Ekonomike në këtë kontekst duke luajtur një rol kryesor në realizimin e tyre.

Si pjesë e përpjekjejeve të përgjithshme të BE-së në kuadër të “Team Europe” për të zbutur rënien ekonomike nga pandemia KOVID-19, BIE ka investuar 20 milion euro për të mbështetur ndërmarrjet e vogla dhe të mesme në Maqedoninë e Veriut në vitin 2020, duke u dhënë kompanive lokale qasje në burime të reja të financimit për të kapërcyer kufizimet e likuiditetit dhe për të kursyer punë gjatë pandemisë.

Në takimin në Luksemburg të delegacionit qeveritar me EIB, u njoftuan burime të reja të rëndësishme financiare për ndërmarrjet e vogla dhe të mesme maqedonase në 2021, thonë nga Qeveria.

Në takimin në Luksemburg të delegacionit qeveritar me BIE-në, janë paralajmëruar mjete të reja të rëndësishme financiare për ndërmarrjet e vogla dhe të mesme vendore në vitin 2021, thonë nga Qeveria.