Kusari-Lila shefe e Grupit Parlamentar të VV-së: Respekt dhe përgjegjësi e madhe

Deputetja e Lëvizjes Vetëvendosje, Mimoza Kusari-Lila është shprehur mirënjohëse me përgjegjësitë e reja si shefe e Grupit Parlamentar të VV-së.

Kusari-Lila përmes një postimi në Favebook ka thënë se është respekt të jesh shefe e grupit më të madh parlamentar në vend.

Postimi i saj i plotë:

Mirënjohëse dhe e nderuar me përgjegjësitë e reja të besuara nga bashkëpunëtorët e mi në kuadër të Grupit Parlamentar të Lëvizjes Vetëvendosje!
Për dy vite me radhë kemi pasur një bashkëpunim dhe bashkërendim të aktivitetit tonë parlamentar dhe zgjedhor në dy palë zgjedhje nacionale.
Të jesh shefe e grupit më të madh Parlamentar në vend është respekt dhe përgjegjësi e madhe për të cilat jam e gatshme t’i marrë me seriozitet dhe përkushtim.
Faleminderit Kryeministrit të Kosovës dhe Kryetarit të Lëvizjes, Albin Kurti për propozimin dhe gjithë kolegëve deputetë për mbështetjen e tyre.
Na priftë e mbara së bashku!