Prokuroria nuk jep detaje mbi ikjen e Gruevskit, nuk dinë nëse ka qenë i fshehur në bagazh

Prokuroria Themelore Publike nuk është e sigurt nëse Nikolla Gruevski kishte ikur nga Maqedonia për në Shqipëri i fshehur në bagazhin e veturës, siç pohoi kryeministri Zoran Zaev në një intervistë për gazetën gjermane “Frankfurter Allgemeine Zeitung”.

“Dhe ne kemi disa informacione se mund të ketë qenë e fshehur në atë mënyrë, por gjatë hetimeve kjo mundësi nuk u mbështet nga prova konkrete dhe prandaj ne nuk e publikuam atë në opinion” thonë nga Prokuroria për “Telma”.

E dimë se si Gruevski ka ikur nga vendi. Me një ashensor ai u lëshua në bodrum dhe më pas u fsheh në bagazhin e veturës me të cilin është larguar na vendi. Në Shqipëri po e priste një veturë diplomatike hungareze, deklaroi sot Zaev.

Fotot nga kamerat e sigurisë lidhur me ikjen e Gruevskit nëpër Shqipëri nuk ofrohen sepse sistemi gjoja nuk mund të mbajë një numër të madh materialesh dhe automatikisht të vjetrat i fshijnë.