Skandal në Prilep: Reprezentuesin e Maqedonisë së Veriut, Ezgjan Alioski, e largojnë nga restoranti vetëm përse foli shqip!!!

Një rast i ri i albanofobisë ka ndodhur në qytetin nacionalist maqedonas Prilep. Skandal dhe turp i madh u pa në një nga restorantet e këtij qyteti. Reprezentuesi i Maqedonisë sē Veriut, Ezgjan Alioski, bashkë me dy kusherinjtē e tij është ulur ne një restorant pēr tē pirë ndonjë lëng, ndërsa në ndërkohë kanë mbërritur edhe prindërit e tij. Dhe, pasi janë përshëndetur mes veti në gjuhën shqipe, të punësuarit i kanë urdhëruar të braktisin lokalin me pretekstin se vendi është i rezervuar. Gjatë largimit Alioski iu ka thënë atyre se si është e mundur të sillen në këtë mënyrë me lojtarin e Maqedonisë, atëherë të punësuarit kanë tentuar të përmirësojnë gabimin. Mirëpo, gjithçka ka qenë vonë, pasi familja Alioski ishte duke u larguar nga lokali, shkruan Gazeta Lajm.