Pollozhani e quan “avokati i dreqit”, Ixhet Memetin!

Veprimtari Shpëtim Pollozhani ka akuzuar rëndë Avokatin e Popullit, Ixhet Memetin. Sipas Pollozhanit, Avokati i Popullit qënka shndërruar në “avokat të dreqit”, pasi nuk e kryen punën e tij në shërbim të qytetarëve.

“Në njërën nga bisedat e përgjuara që i publikoi Zaevi, dëgjohet ku Aliu i thotë sekserit të vetë nga Shkupi që të mos i lëshojë pe investitorit turk. ,,hiç më poshtë se 1000 euro për metër katror” . Merreni me mend. Një milion euro ryshfet vetëm për 1000 metra katrorë. Investitori turk nuk e pagoi haraçin dhe iku. Ai, investitori turk do të ndërtonte një objekt afarist, në të cilin do të siguronin bukën e gojës disa dhjetra familje, që do të pengonte edhe shpërguljen e disa dhjetra të rinj shqiptarë. A nuk është interes publik procedimi i kësaj bisede o ti, avokat i dreqit” – shkruan i revoltuar veprimtari Shpëtim Pollozhani, përcjell in7.

Pollozhani është Kryetar i Shoqatës së të Burgosurve dhe të Përndjekurve Politik Shqiptarë dhe shpesh ka reaguar ndaj shkeljeve që u bëhen të drejtave të qytetarëve shqiptarë.