Ministri Besimi: Me zhvillimin e kapitalit njerëzor, krijohen mundësi të barabarta për të gjithë

Me zhvillimin e kapitalit njerëzor, krijohen mundësi të barabarta për të gjithë, gjeneratat e ardhshme do të jenë në gjendje të realizojnë potencialin e tyre të plotë, dhe në të njëjtën kohë të përshpejtohet edhe rritja ekonomike

Burimet njerëzore zhvillohen përmes investimeve në:

Arsim
Shkencë
Shëndetësi
Aktivitet më të madh të popullatës së aftë për punë
Mbrojtje sociale

“Strategjia e zhvillimit të kapitalit njerëzor” është një nga prioritetet e Qeverisë, veçanërisht në periudhën pas Covid-it.

Prandaj, së bashku me MPPS Јагода Шахпаска, MASH Мила Царовска, përfaqësuese nga Qeveria dhe Ministria e Shëndetësisë, mbajtëm takim online me Drejtorin e Bankës Botërore për Maqedoninë e Veriut, Massimiliano Paolucci, ku diskutuam fillimin e këtij projekti.

Investimet në kapitalin njerëzor janë një nga shtyllat mbi të cilat mbështetet “Strategjia për Revitalizim dhe Rritje të Zgjuar – #SmarterGrowth”, e cila do të përshpejtojë rritjen ekonomike në periudhën afatmesme, ndërsa njëkohësisht do të arrijë qëndrueshmërinë e saj.

Duke investuar në kapitalin njerëzor dhe duke vepruar paralelisht me rimëkëmbjen nga kriza Covid, duke inkurajuar rritje të qëndrueshme dhe gjithëpërfshirëse dhe duke përmirësuar konkurrencën e sektorit privat, normat e rritjes ekonomike që dikur varionin nga 2-2.5%, në një periudhë afatmesme mund të arrinë 4-5%.