Rrëzohet me dinamit kazino e Trumpit (Video)

Shpërndaje

Hoteli dhe kazinoja “Trump Plaza” në Atlantic City është shkatërruar, duke i dhënë fund një historie gati 40-vjeçare në bregun e Nju Xhersi.

”Trump Plaza” u hap në vitin 1984 dhe dikur ishte një pikë kyçe e portofolit të pasurive të patundshme të ish-Presidentit Donald Trump. Kazinoja ishte mbyllur në vitin 2014 dhe prej asaj kohe ndërtesa kishte mbetur “në mëshirë të fatit”.

Mijëra sy kureshtarë u dyndën në zonë për të parë shpërthimin e kontrolluar dhe hotelet aty pranë ofruan paketa të veçanta për fushëpamjen. Shkatërrimi i ndërtesës 34-katëshe zgjati vetëm disa sekonda.

Në kulmin e shkëlqimit të saj, Plaza organizoi ndeshjet më të ndjekura botërore të boksit, koncerte të profilit të lartë dhe priti disa nga njerëzit më të famshëm të famshëm në botë.