Jashari, Kurti dhe Konjufca homazhe në Kompleksin Memorial “Adem Jashari” në Prekaz

23/03/2021 admin

Shpërndaje

Në Kompleksin Memorial “Adem Jashari” në Prekaz, prita Presidentin në detyrë, Kryetarin e Kuvendit, Glauk Konjufca dhe Kryeministrin e Republikës së Kosovës, Albin Kurti, të cilët i shoqërova gjatë homazheve që bënë tek dëshmorët e familjes Jashari.

Si Kryetar i Komunës së Skenderajt dhe si anëtar i familjes Jashari, i urova z. Konjufca e z. Kurti për zgjedhjen e tyre në udhëheqje të shtetit duke iu dëshiruar shëndet e punë të mbarë para shumë sfidave që kemi përpara.

Menaxhimi i pandemisë COVID-19, rimëkëmbja ekonomike, punësimi i të rinjve, luftimi i korrupsionit e nepotizmit, fuqizimi i rendit e ligjit dhe integrimi i Kosovës në mekanizmat ndërkombëtar janë çështjet jetike për Qeverinë e re, për të cilat duhet t’i mbështesim edhe ne si shoqëri.

Urime!

You May Also Like