AAK e përjashton nga partia Albena Reshitajn
Aleanca për Ardhmërinë e Kosovës e ka përjashtuar deputeten Albena Reshitaj nga partia, shkruan Indeksonline.
Kështu mëson Indeksonline përmes burimeve të veta.
Përjashtimi i Reshitaj vije si pasojë e prezencës së saj gjatë seancës së mbrëmshme të Kuvendit të Kosovës për zgjedhjen e presidentit.
Ndryshe, veprimin e Reshitaj e ka dënuar kryetari i AAK-së, Ramush Haradinaj.
Ai tha se Albena Reshitaj nuk tregoi ‘diciplinë’ karshi vendimit të AAK-së.
“Sot jam informuar nga Albena Reshitaj se ajo po mendon me marrë pjesë në seancë, i kam thënë që nuk jam dakord që mos të marrë pjesë. Unë i kam thënë që neve nuk na është kërku një rol si subjekt politik, për të konmtribu si AAK, duke mos pas asnjë rol ne jemi përjashtu, e konsideroj të padrejtë vendimin e zonjës Reshitaj.
Nuk na është kërku, nuk na është ofru ky rol, ky qëndrim është jo i drejt jo i duhur i Reshitaj. Është vendim jashtë diskutimeve që i kemi marrë në parti, në kryesi”, ka thënë Haradinaj.
Vlen të theksohet se dje në media është raportuar se Albena Reshitaj do t’i bashkohet grupit parlamentar të Vetëvendosjes.
