Kurti: Burgimi i përjetshëm i Mlladiqit, kujtesë për Serbinë se mohimi i krimeve duhet të marrë fund
Kryeministri i Kosovës, Albin Kurti, ka reaguar pasi kriminelit të luftës Ratko Mlladiq iu ri konfirmua dënimi më burgim të përjetshëm për krime mbi popullsinë civile në Srebrenicë.
“Krimineli famëkeq i luftës, Ratko Mlladiq, i njohur si “kasapi i Bosnjës dhe Hercegovinës’, u dënua me burgim të përjetshëm për gjenocid. Serbia e fshehu dhe e portretizoi atë si një hero. Por ky vendim është një kujtesë se mohimi i krimeve të së kaluarës në Bosnje e Hercegovinë dhe Kosovë nga Serbia duhet të marrë fund”, ka shkruar Kurti.
The notorious war criminal, Ratko Mladic, known as the ‘butcher of Bosnia & Herzegovina’, is sentenced with life imprisonment for genocide.
Serbia hid him and portrayed him as a hero. But this verdict is a reminder that Serbian denial of past crimes in🇧🇦 & Kosova must end.
— Albin Kurti (@albinkurti) June 8, 2021
Gjykatësit e Kombeve të Bashkuara e mbështetën dënimin me burgim të përjetshëm ndaj ish-shefit ushtarak serb, Ratko Mlladiq për gjenocidin në Srebrenicë dhe mizoritë tjera gjatë gjithë luftës së Bosnjës më 1992-95.
Mekanizmi Ndërkombëtar për Gjykatat Penale, konfirmoi dënimin me burgim të përjetshëm, i shpallur nga shkalla e parë më 2017, për rolin e tij në vrasjen e rreth 8,000 burrave dhe djemve myslimanë boshnjakë në Srebrenicë.
