Andin Hoti deklarohet për hapjen e arkivave që u diskutua në Brukesl

Kryetari i delegacionit të Kosovës për bisedime për çështjen e personave të zhdukur, Andin Hoti, ka thënë se në takimet në Bruksel është kërkuar që çështja e të zhdukurve të trajtohet me prioritet.

Ai në një postim në Facebook, ku ka dhënë detaje nga takimet dhe kërkesat e palës kosovare ka folur edhe për çështjen e hapjes së arkivat të Kosovës.

Hoti ka thënë se kjo çështje është në dobi të Kosovës, pasi mundësohet qasje edhe në arkivën e Serbisë.

Ai ka thënë se arkiva e Kosovës ka qenë e hapur dhe se nuk asgjë për tu fshehur as sa i përket UÇK-së, raporton arbresh.info.

“Lidhur me arkivat, pas dakordimit të palës serbe, kemi ofruar bashkëpunim të plotë dhe e kemi ftuar z. Lajçak për qasje të plotë në arkivat shtetërore të Kosovës, me qëllim që të heqim çfarëdo dyshimi që mund të kenë sa i përket ‘shpikjes së tyre për arkivat e UÇK-së’. Arkivat e Kosovës kanë qenë dhe janë të hapura, prandaj marrëveshja është në interesin tonë sepse vetëm na mundëson çasje në arkivat ushtarake të Serbisë, e që është barriera kryesore për zbardhjen e fatit të më të dashurve tanë”, ka shkruar Hoti ndër të tjera.