Selia e VMRO-DPMNE-së është në Budapest e jo në Shkup, ja kush thotë
Ministri i drejtësisë, Bojan Mariçiq, mbrëmë në 24 analizë, sa i përket veprimeve të VMRO-DPMNE-së, shpreht se ata udhëzimet i marin nga Budapesti dhe jo prej këtu në Shkup.
Sipas tij, selia e VMRO-DPMNE-së është në Budapest, transmeton Zhurnal.
“Selia e VMRO-DPMNE-së nuk është në Shkup, por në Budapest. Komandat vijnë prej atje, kandidatët për zgjedhje lokale i marin prej atje udhëzimet për veprime politike”, tha ministri.
Ai shtoi se vendi ynë ka katër propozime pozitive nga Komisioni Evropian për dallim nga koha e VMRO-DPMNE-së kur ky propozim ishte i ngrirë.
“Në mars vitin e kaluar morëm vendim për fillim të negociatave nga 27 shtete, ku edhe Bullgaria na dha mbështetje. Faza e ardhshme është miratimi i kornizës negociuese dhe konferenca e parë ndërqeveritare. Ne jemi para asaj faze, e cila nuk ndodhi përshkak se Bullgaria kërkon mënyrë si çështjet bilaterale t’i imponojë në këtë kornizë negociuese. Ne udhëheqim politikë serioze dhe përgjegjëse për dallim nga Vllatko Gjorçev dhe VMRO-DPMNE. Ne nuk e mbajmë shtetin për 10 vite në tunel, nuk njihet vendi ynë si shtet i robëruar. Ne nuk jemi dhe nuk kemi qenë të hidhëruar me shtetet fqinje”, tha Mariçiq.
Ai shtoi se derisa dikush është simbol i politikave përgjegjëse dhe mendon se interesat kombëtare ndërtohen me buste milionëse, ajo është VMRO-DPMNE.//Zhurnal.
