Bytyqi: Ka konsensus për rritjen e pagës minimale, dialogu vazhdon

Zëvendëskryeministri për çështje ekonomike, Fatmir Bytyqi pas takimit me sindikatat për rritjen e pagës minimale, bëri të ditur se ka konsensus për të njëjtën, por se dialogu do të vazhdojë të premten.

“Ka konsensus se paga minimale do të rritet. Kemi në tryezë dy propozime të dhëna. Njëri nga Lidhja e Sindikatave dhe një nga Organizata e Punëdhënësve. Dialogu do të vazhdojë të premten, pas orës 16:00 dhe i bind të gjithë qytetarët që janë pranues të pagës minimale, se së shpejti do të ketë konsensus rreth rritjes së pagave të tyre minimale”, tha Bytyqi, transmeton TV21.

Shton se qëllimi i këtij dialogu është të krijohet sistem i cili do të jetë afatgjatë dhe nuk do të ndikohet nga politikat qeveritare.