Gjeorgjia edhe zyrtarisht aplikon për anëtarësim në Bashkimin Evropian
Ish-republika sovjetike e Gjeorgjisë ka nënshkruar zyrtarisht një kërkesë për anëtarësim në Bashkimin Evropian, tha kryeministri Irakli Garibashvili ndërsa Ukraina pohoi se po kërkon anëtarësimin në bllok pas pushtimit të Rusisë.
“Është një ditë historike për Gjeorgjinë – ne po nënshkruajmë Aplikimin për Anëtarësim në BE. Aplikimi për anëtarësim në BE është një tjetër moment historik në rrugën e integrimit evropian të Gjeorgjisë – është një fazë që kthen një faqe të re në historinë tonë dhe vazhdon përpjekjet e paraardhësve tanë, e cila synon anëtarësimin e Gjeorgjisë në një familje të përbashkët evropiane”, tha ai.
Today is a historic day for 🇬🇪, we have officially applied for the Membership of the European Union 🇪🇺. We have proved that we are a part of the European family & 🇪🇺 path is an irreversible choice for the Georgian people! pic.twitter.com/ysaj1JCOY6
— Irakli Garibashvili (@GharibashviliGe) March 3, 2022
Sipas Parlamentit Evropian, Tblisi ishte përgatitur të aplikonte për anëtarësim të plotë në BE në vitin 2024, raporton cnn.
Aplikimi i Tbilisit vjen dy ditë pasi fqinji i tij dhe ish-republika sovjetike e Ukrainës tha se po kërkonte anëtarësim të shpejtë në bllok.
Presidenti ukrainas, Volodymyr Zelensky i kërkoi BE-së të hënën “të pranojë urgjentisht Ukrainën” në bllok.
“Ne u jemi mirënjohës partnerëve që qëndruan me ne. Por qëllimi ynë është të jemi me të gjithë evropianët dhe të jemi të barabartë me ta. Jam i sigurt që e meritojmë. Jam i sigurt se është e mundur”, tha Zelensky.
