Grubi pret në takim ish – rektorin e UT-së Vullnet Ametin

Zëvendëskryeministri i parë Artan Grubi ka pritur në takim ish Rektorin e Universitetit të Tetovës, aktualisht Prorektor për arsim z. Vullnet Ametin.

Postimi i plotë:

Mirëprita në takim ish Rektorin e Universitetit të Tetovës, aktualisht Prorektor për arsim z. Vullnet Ametin.

Pranova nga ai një dhuratë shumë të çmuar, Monografinë e Universitetit të Tetovës (1994/1995-2004/2005) si retrospektivë të rrugëtimit për themelimin dhe zyrtarizimin e vatrës sonë të dijes, momente këto të përjetësuara me shumë kujdes në 15 kapituj me 295 materiale burimore.

Përgëzova z. Ametin për angazhimin e tij si kryeredaktor i kësaj vepre që tashmë do të zërë vend të posaçëm në bibliotekat tona dhe të shumë brezave pas nesh si përkujtues më i mirë i rolit të universitetit tonë të parë në vend.