Shpresë për vizat, deputetja holandeze jep lajmin: Në Holandë po ndryshon disponimi
Deputetja holandeze dhe njërit anëtarja e Këshillit Europian për Marrëdhënie të Jashtme, Kati Piri, ka thënë se disponimi i Holandës rreth integrimit europian të shteteve të Ballkanit Perëndimor ka ndryshuar.
Pas viteve të tëra të bllokadës ndaj zgjerimit të mëtutjeshëm të BE-së si dhe liberalizimit të vizave për Kosovën, duket se qëndrimi holandez po ndryshon. Piri thotë se në parlamentin e Holandës gjërat tani shihen ndryshe.
Kjo është ajo çfarë ka shkruar Piri në rrjetin social Twitter.
Pas vitesh veto holandeze për zgjerimin e BE-së, disponimi po ndryshon në parlamentin e Holandës:
– të mbështesë kandidaturën në BE të Ukrainës dhe Moldavisë
– të përkushtuar për kandidimin e Gjeorgjisë, pasi të plotësohen kushtet;
– të gatshëm të rishikojnë liberalizimin e vizave për Kosovën;
– mbështetja për fillimin e negociatave me Shqipërinë dhe Maqedoninë e Veriut.
Kujtojmë që Holanda, së bashku më Francën, kanë qenë skeptikët më të mëdhenj për liberalizimin e vizave për Kosovën.
Pasi për disa vite me radhë mori përkrahje nga Parlamenti Europian dhe Komisioni Europian, Kosova pret që më datat 23 dhe 24 qershor të marrë lajmin e mirë edhe nga Këshilli i BE-së për liberalizim të vizave për qytetarët e saj. Presidentja e Kosovës, Vjosa Osmani, është takuar me presidenten e Parlamentit Evropian, Roberta Metsola në Bruksel.
Temë bisede mes tyre ishte çështja e liberalizimit të vizave, për të cilën po shpresohet se do të ketë ndonjë rezultat pozitiv në samitin e nesërm që do të mbahet mes BE-së dhe Ballkanit Perëndimor. Osmani do ta përfaqësojë Kosovën në takimin e krerëve të Bashkimit Europian me liderët e Ballkanit Perëndimor.
After years of Dutch veto’s re EU enlargement, mood is changing in 🇳🇱 parliament:
– support EU candidacy 🇺🇦🇲🇩
– committed to 🇬🇪 candidacy once conditions are met;
– willing to review Kosovo visa liberalization;
– support start negotiations 🇦🇱 🇲🇰— Kati Piri (@KatiPiri) June 22, 2022
