BE pritet të miratojë statusin e kandidatit për Ukrainën dhe Moldavinë

Udhëheqësit evropianë pritet të mbështesin ofertën e Ukrainës si vend kandidat për në BE, por zyrtarët paralajmërojnë “proces të gjatë”.

27 liderët e vendeve të Bashkimit Evropian pritet të mbështesin dhënien e statusit të kandidatit në BE për Ukrainën dhe Moldavinë në një samit dy-ditor që do të mbahet në Bruksel të enjten dhe të premten, sipas një zyrtari të lartë të BE-së, transmeton rtv21.tv.

Duke folur me gazetarët në Bruksel të mërkurën, zyrtari i BE-së tha: Unë nuk kam parë problem për dhënien e statusit të kandidatit për Ukrainën dhe vlerësoi punën e presidentit të Këshillit Evropian, Charles Michel.

“Unë do të doja t’ju them se ‘është një marrëveshje e përfunduar’ dhe ‘është e lehtë’”, por pas vitesh pune brenda BE-së, institucionet nuk donin të merreshin me një përgjigje përfundimtare.

“Kështu që unë jam i sigurt, por jam gjithashtu i kujdesshëm”, tha zyrtari.

Kur u pyet për një afat kohor që Ukraina të bëhet një vend anëtar i plotë i BE-së, diplomati tha se “Unë mendoj se e vetmja që mund të vendosë një plan është Ukraina, sepse Ukraina duhet të përshtatet, të transformohet, të reformohet dhe në rrethanat aktuale, ne kuptoni se prioritetet qëndrojnë diku tjetër”.