AShMAA: Kovaçevski duhet të përmbahet nga shprehja e qëndrimeve personale në media

Agjencia për Shërbime Mediatike Audio dhe Audiovizuele, reagon ashpër ndaj etiketimit të politikës redaktuese të medieve të caktuara nga kryeministri Dimitar Kovaçevski dhe thekson se bartësit e funksioneve publike duhet të përmbahen nga shprehja e pikëpamjeve personale, subjektive që cenojnë lirinë e medieve.

“Mbajtësit e funksioneve publike duhet të jenë të ndërgjegjshëm për përgjegjësinë që kanë dhe peshën e çdo fjale të shprehur publikisht. Në vend që të përdorin narrativë që diskreditojnë dhe bëjnë presion mbi mediet, ato duhet të jenë shembull i sjelljes së përgjegjshme dhe profesionale. Në të njëjtën kohë, Agjencia rikujton se roli i medieve është të informojë dhe hapë çështje që janë subjekt i interesit publik, prandaj të gjithë aktorët relevantë në vend duhet të bëjnë çdo përpjekje për të siguruar një mjedis të favorshëm për forcimin e lirisë së medies dhe pavarësia editoriale”, thonë nga AShMAA.