ASH: Ligji për veting të gjyqtarëve, prokurorëve dhe politikanëve
Pas vendimit për hyrje në qeveri, Aleanca për Shqiptarët ka publikuar parimet bazë dhe zotimet për bashkëpunim koalicioni, të përkrahura nga Kryeministri Kovaçevski.
Deklarata e zotimeve e ASh-së përmbanë 22 zotime të ndara në 5 priorite siç janë lufta kundër korrupsionit, përfaqësimi i drejtë dhe adekuat, fuqizimi i rajoneve, energjetika dhe shëndetësia. Deklarata e plotë mund të lexohet këtu.
Në shtetin e së drejtës dhe luftën e krimit dhe korrupsionit, ASh ka kushtëzuar futjen e saj në qeveri me miratimin e Ligjit për veting të gjyqtarëve, prokurorëve dhe politikanëve, i cili është premtuar shumë herë nga partitë në pushtet por nuk është realizuar deri më tani.
Krahas Ligjit për veting, po ashtu kjo shumicë e re parlamentare pritet të sjell edhe themelimin e Zyrës për Rikthimin e Pasurisë që konfiskojnë pronën e pajustifikueshme dhe të rrisë investimet në institucionet antikorrupsion dhe ligjzbatuese.
Këtyre reformave do t’u prijë Krenar Lloga, Ministër i Drejtësisë nga radhët e Aleancës për Shqiptarët, njëherë edhe Sekretarit të Përgjithshëm i partisë.
Aleanca për Shqiptarët në qeveri do të përfaqësohet me Ministrinë e Drejtësisë, Ministrinë e Shoqërisë dhe Administratës Publike, Ministrinë e Shëndetësisë, ndërsa në pozitat e zëvendësministrave, ASh do të përfaqësohet në Ministrinë e Mbrotjes dhe atë të Bujqësisë.
