Zgjidhet kryetari i komunës së Tuzit në Malin e Zi, Nik Gjeloshaj fiton mandatin, shqiptarët festojnë kuqezi

Kryetari aktual i komunës së Tuzit dhe koalicioni “Forumi Shqiptar”, Nik Gjeloshaj, ka arritur një fitore bindëse në zgjedhjet lokale në atë komunë.

Ai ka arritur të marrë 18 mandate dhe zyrtarisht fiton të drejtën edhe për kryetarin e komunës së Tuzit.

Fikret Ljuljanaj, anëtar i shtabit zgjedhor të koalicionit të Forumit Shqiptar, tha se kanë fituar nga 18 deri në 19 mandate.

Në zgjedhjet e fundit lokale, Forumi Shqiptar, i përbërë nga Alternativa Shqiptare (AA), Aleanca Demokratike e Shqiptarëve (DS) dhe Bashkimi Demokratik i Shqiptarëve (DUA), kishte 16 mandate, Partia Demokratike e Socialistëve – 10, Partia Boshnjake – katër, dhe Social Demokratët dhe Mali i Zi Demokratik një nga një.

Qytetarët e Tuzit sot zgjodhën mes katër koalicioneve dhe tri listave të pavarura.

Këto janë zgjedhjet e dyta lokale në atë komunë, pasi Tuzi u bë komunë e pavarur në vitin 2018 dhe Partia Demokratike e Socialistëve (DPS) humbi pushtetin në komunën e qytetit deri atëherë, e cila tani mbahet nga partitë shqiptare me mbështetjen e demokratëve.

Pas shpalljes së fitores mbështetësit e Gjeloshajt kanë “shpërthyer” në festë.