Kovaçevski në konferencën për shtyp me Eskobar: Mesazhi nga SHBA-ja është i qartë, pas anëtarësimit në NATO, Maqedonia e Veriut duhet të bëhet anëtare e BE-së, kjo është e ardhmja jonë

Kryetari i Qeverisë së Republikës së Maqedonisë së Veriut, Dimitar Kovaçevski, pas takimit me Zëvendësndihmës Sekretarin e Shtetit të SHBA-ve për Çështje Evropiane dhe Euroaziatike dhe Përfaqësues Special për Ballkanin Perëndimor, Gabriel Eskobar, mbajtën konferencë të përbashkët për shtyp me përfaqësuesin e lartë amerikan, i cili ndodhet për vizitë në vendin tonë.

Në vahdim është fjalimi integral i Kryeministrit Kovaçevski në konferencën për shtyp.

“Të nderuar qytetarë,

Të nderuar përfaqësues të mediave,

I nderuar Gabriel,

Së pari dua t’i përgjigjem pyetjes që është ngritur këto dy ditë nga opozita dhe do ta citoj, është thënë se Qeveria është gjunjëzuar që të vijnë diplomatët e huaj dhe të bëjnë presion si pjesë e një komploti botëror dhe pjesë e super armiqve kundër një pjese të spektrit politik maqedonas, me qëllim që të sigurojnë votëm.

Kjo nuk është e vërtetë, sepse sot në Maqedoninë e Veriut është një përfaqësues i lartë i shtetit më mik të Maqedonisë së Veriut – SHBA-së, ai ndodhet në Maqedoninë e Veriut si pjesë e vizitave të tij të rregullta në rajon, sepse përfaqësuesi i lartë Eskobar është përfaqësues i lartë për Evropën dhe përfaqësues special për Ballkanin Perëndimor. Nuk është vizita e tij e parë dhe as e fundit. Në emër të asaj miqësie, takimi i sotëm, ku diskutojmë pikërisht për gjërat që kemi arritur së bashku gjatë viteve të fundit dhe çfarë na pret që mund të bëjmë së bashku.

Mos të harrojmë se ne jemi vend anëtar i NATO-s që vlerësohemi jashtëzakonisht shumë në Aleancën e NATO-s për shkak të ndihmës që i kemi dhënë Ukrainës në luftën e saj për një shtet të lirë, vetëvendosje dhe vendimmarrje nga qytetarët e Ukrainës si ata duan, dhe jo ashtu siç dëshiron dikush tjetër.

Pastaj në fushën e zgjerimit të NATO-s dhe nënkuptohet në fushën e integrimit tonë evropian dhe reformave që i bëjmë, për të cilat kemi mbështetje të madhe nga ShBA-ja që në ditën e parë të pavarësisë sonë.

Dje kishim darkë me të ftuarin e nderuar dhe si gjithmonë është një takim miqësor dhe kuptimplotë me Zëvendësndihmës Sekretarin e Shtetit të ShBA-ve për Çështjet Evropiane dhe Përfaqësues Special për Ballkanin Perëndimor.

Shtetet e Bashkuara të Amerikës kanë qenë, janë dhe do të jenë në të gjitha proceset kyçe për përparimin demokratik të vendit nga pavarësia e deri më sot, dhe janë mbështetësi më i madh në arritjen e dy qëllimeve kryesore strategjike – anëtarësimit në NATO, dhe tani edhe atë që pason anëtarësimin në Bashkimin Evropian.Bashkimi.

Me këtë rast, dëshiroj të shpreh mirënjohjen time të sinqertë për kontributin e ShBA-së në të gjitha këto procese, si dhe për angazhimet personale të zotit Eskobar, i cili sot ndodhet në Shkup, si në zhvillimin e Maqedonisë së Veriut ashtu edhe në angazhimet e tij personale për ruajtjen dhe avancimin e stabilitetit rajonal të Ballkanit Perëndimor.

Ajo që diskutuam në takimin e sotëm është zhvillimi i ngjarjeve në rrugën tonë evropiane. Biseduam për ecurinë e suksesshme të skriningut, dhe mbi të gjitha për fillimin e procesit të nisjes së ndryshimeve kushtetuese, të cilat, përveç BE-së dhe SHBA-së, e konsiderojnë një hap vërtet kyç dhe të rëndësishëm në sigurimin e së ardhmes evropiane dhe vazhdimin e integrimit evropian të Maqedonisë së Veriut.

Ky është qëndrim i njëjtë me qëndrimin e koalicionit që udhëheq këtë Qeveri dhe që është shumicë në Kuvend dhe është qëndrim i njëjtë me shumicën dërrmuese të qytetarëve të Maqedonisë që mbi 80% duan të jenë pjesë e BE-së. Dhe ajo që ne duhet të bëjmë si udhëheqës politikë është të sigurojmë një proces të qetë të bashkimit të Maqedonisë së Veriut drejt anëtarësimit të plotë në BE.

Këtu do doja të theksoja disa gjëra më të rëndësishme se kuadri i negociatave që është baza e negociatave tona me BE-në është një dokument i miratuar nga të 27 vendet anëtare të BE-së, i mbështetur nga partnerët tanë strategjikë dhe kuadri i negociatave përmban kushte që ne duhet të përmbushim dhe të njëjtën gjë në mënyrë që BE-ja të përmbushë detyrimet që ka marrë dhe që tashmë po i përmbush.

Nuk do të ketë një marrëveshje të re, as nuk ka mundësi për të rinegociuar kuadrin e negociatave siç theksuan disa politikanë, por shoh që kohët e fundit po e përdorin atë retorikë gjithnjë e më pak pas gjithë mohimeve që kanë marrë nga përfaqësuesit e lartë të Brukselit dhe vendeve anëtare gjegjësisht liderët e tyre. Me këtë kornizë negociuese që ka Maqedonia e Veriut, e cila është miratuar nga Kuvendi, siç e kemi konfirmuar, edhe sot po bisedojmë sërish me z. Eskobar, kemi mbrojtje të plotë të gjuhës dhe identitetit maqedonas dhe kemi mundësi të ecim përpara drejt ndërtimit të një shoqërie më të mirë dhe më të prosperuar për qytetarët e vendit. Në të njëjtën kohë, marrëdhëniet dypalëshe me Bullgarinë janë pikërisht këto, dypalëshe dhe nuk do të ndikojnë në procesin e integrimeve evropiane, dhe ajo që është akoma më e rëndësishme është se ne konfirmuam edhe një herë se nuk mund të ketë kërkesa të reja në përputhje me kornizën e negociatave dhe do të kemi gjithmonë mbështetjen e miqve tanë të sinqertë në pjesën e transparencës dhe në atë të objektivitetit të të gjitha proceseve që zhvillohen.

Mesazhi i SHBA-së është i qartë edhe në një numër të madh takimesh që kam pasur, por edhe që kanë pasur ministrat e mi nga Qeveria gjatë periudhës së kaluar, që Maqedonia e Veriut pas anëtarësimit në NATO, të bëhet edhe anëtare e BE-së. Bashkimi Evropian është alternativa jonë e vetme dhe është interes dhe kërkesë e drejtpërdrejtë e qytetarëve.Qytetarët duan të jetojnë në BE. Ata duan një standard më të mirë jetese, infrastrukturë më të mirë, progres ekonomik, drejtësi sociale, demokraci supreme, sundim më të mirë të ligjit. Ata duan një jetë më të mirë sipas standardeve evropiane. Ata duan që fëmijët e tyre të qëndrojnë në shtëpi dhe të ndërtojnë të ardhmen e tyre këtu. Qytetarët duan integrim, jo ​​izolim.

Besoj se pas fillimit me sukses të procesit të ndryshimeve kushtetuese në Kuvend, deputetët, të cilët mbi të gjitha janë përfaqësues të qytetarëve, do të inkurajohen dhe do të marrin një vendimin e guximshëm për vazhdimin e integrimit evropian, i cili do t’i mundësojë Maqedonisë së Veriut të bëhet anëtare e BE deri në vitin 2030.

Çdo rezultat tjetër do të thotë një e ardhme e pasigurt për qytetarët e vendit. Ndodhi një herë, kur u ndamë nga Kroacia dhe mbetëm prapa dhe ndaluam për 17 vjet deri më sot. Edhe sot, nëse shkëputemi nga Shqipëria, Mali i Zi dhe Serbia, askush nuk na garanton se kur dhe në çfarë mënyre do të bëhemi shtet anëtar i BE-së.

Kjo nuk duhet të ndodhë, për të vënë në lojë të ardhmen e vendit për qëllime parazgjedhore. Aq më tepër që gjuha maqedonase dhe identiteti maqedonas janë të mbrojtura me kornizën negociuese. Tashmë është nënshkruar obligimi që sipas kornizës negociuese dhe dokumenteve që janë pjesë përbërëse e saj, BE-ja e ka marrë, përkatësisht nënshkrimin e marrëveshjes FRONTEX në gjuhën e pastër maqedonase së bashku me të gjitha gjuhët tjera të BE-së.

Askush nuk supozoi se Maqedonia e Veriut do të nënshkruante një marrëveshje me BE-në në gjuhën maqedonase të miratuar nga të gjitha vendet anëtare në gjuhën maqedonase me të gjitha gjuhët e tjera dhe se i njëjti do të miratohej edhe nga Greqia dhe Bullgaria. Vitin e kaluar askush nuk e priste që do të ndodhte. Dhe kjo ndodhi, sepse BE-ja e përmbushi detyrimin që kishte marrë përsipër sipas dokumenteve nga kuadri i negociatave.

I gjithë legjislacioni evropian është i përkthyer në gjuhën maqedonase, i dëgjoj politikanët, disa politikanë të opozitës, partitë më të vogla politike, por kurrë nuk i kam ndarë në më të vogla dhe më të mëdha, megjithatë tani i ndaj sipas mendimit të tyre sa i përket të ardhmes së qytetarëve, të cilët thonë se çfarë gjuhe do të flitet kur të hyjmë në BE. Në gjuhën maqedonase nuk është rastësi që i gjithë legjislacioni është i përkthyer në gjuhën maqedonase dhe nuk është rastësi që kur ishit me ne bashkë në Bruksel, në kabinat e përkthimit ishte shkruar gjuha maqedonase. Është gjuha që flasin maqedonasit dhe është një gjuhë që do të jetë pjesë e gjuhëve të BE-së.

Me ndryshimet kushtetuese që janë propozuar në Kuvend, futen pjesë të tjera të popujve, gjë që konfirmon faktin se jemi shtet funksional, multietnik dhe bën dallim të qartë mes popullit maqedonas dhe çdo populli tjetër në vend, duke përfshirë edhe atë bullgar. Pra, me vendimin për miratimin e ndryshimeve kushtetuese nuk kërcënohet asnjë çështje e identitetit maqedonas. Por përkundrazi, çështjet e identitetit maqedonas forcohen.

Situata për momentin është shumë e pastër dhe e qartë, ne kemi mbështetje serioze si brenda ashtu edhe jashtë për vazhdimin e rrugës europiane dhe me miratimin e ndryshimeve kushtetuese hapin e parë përpara do ta bëjmë vetë. Bllokimi dhe zvarritja e këtij procesi do të jetë vetëm e dëmshme dhe kjo mund të konfirmohet nga çdo bisedë e zhvilluar me diplomatë të huaj, përfshirë edhe këtë në fushën e progresit të shtetit në realizimin e të gjitha angazhimeve për të siguruar një standard më të shpejtë, më të mirë të jetesës dhe kushteve të jetesës së qytetarëve në shtet, siç duan ata.

Jo vetëm që do të na shtyjë në një pozitë të padëshirueshme, duke pasur parasysh faktin se vitin e ardhshëm ka zgjedhje kudo, si në BE ashtu edhe në SHBA, vitin e ardhshëm edhe ne kemi edhe zgjedhje. Atëherë do të humbet momenti i mbështetjes nga bashkësia ndërkombëtare, të cilin sot e kemi në nivelin më të lartë të shprehur pikërisht nga përfaqësues të bashkësisë ndërkombëtare.

E kam thënë edhe më herët, por do ta përsëris, vetë si Kryeministër, koalicionin që unë drejtoj, ministrat në Qeveri do të bëjmë gjithçka, në përputhje me ligjet në vend, që vendi të ecë përpara, ne do bëjmë gjithçka që qytetarët të jenë qytetarë europianë, me një stil jetese europiane. Por qytetarët evropianë që jetojnë në Maqedoninë e Veriut, jo qytetarët që shkojnë dhe jetojnë në vendet e huaja që janë pjesë e BE-së me pasaporta të vendeve të huaja.

Duke parë gjatë historisë se sa vendime të vështira duhej të merrte ky vend, dhe populli maqedonas në veçanti doli gjithmonë fitimtar, jam i bindur se edhe këtë herë do të dalim fitimtarë dhe pas anëtarësimit në NATO, Maqedonia e Veriut do të jetë shteti i ardhshëm anëtar i BE-së.