LAJMI I FUNDIT/ MPB ndjekje penale kundër komunave të Tetovës dhe Çairit, si dhe të kryetarëve të tyre
Ministria e Punëve të Brendshme në Maqedoninë e Veriut njoftoi se ka dorëzuar kërkesë për inicimin e procedurës penale kundër komunës së Tetovës dhe Çairit si dhe ndaj kryetarëve të tyre Bilall Kasami dhe Visar Ganiu.
Njoftimi i plotë:
Sot (15.08.2023) Ministria e Punëve të Brendshme, më saktësisht Departamenti i Policisë Kriminale, Sektori për Krime të Përgjithshme dhe Krim të Dhunshëm, në koordinim me Sektorët për Punë të Brendshme Shkup dhe Tetovë, kanë dorëzuar kërkesa në gjykatat themelore kompetente për inicimin e procedurës kundërvajtëse. kundër personave juridik Komuna Çair dhe Komuna e Tetovës dhe personat përgjegjës në këto persona juridikë, kryetarët e këtyre komunave V.G. dhe B.K.
Përkatësisht, gjatë vizitës zyrtare të delegacionit të Kosovës në vendin tonë, të udhëhequr nga Presidenti i Qeverisë së Republikës së Kosovës, z. Albin Kurti, në pritjen e organizuar më 11.08.2023 në rrugën “Ferid Murati” në Shkup dhe në qendrën “Iliria” në Tetovë, nuk është vepruar në përputhje me Ligjin për përdorimin e stemës, flamurit dhe himnit të Republikës së Maqedonisë së Veriut. Domethënë, gjatë manifestimeve të organizuara me atë rast, nuk është kënduar himni kombëtar dhe nuk është vendosur flamuri kombëtar i Republikës së Maqedonisë së Veriut, me çka është bërë shkelje nga neni 30 i të njëjtit ligj.
Ministria e Brendshme po vijon kërkimet për personin që valëviti flamurin e Shqipërisë së Madhe në një nga tubimet dhe pas gjetjes do të ngrihet kallëzimi përkatës penal ndaj tij.
