Kuvendi themelon Komisionin hetimor për rezervat shtetërore
Kuvendi i Kosovës në seancën e sotme plenare ka themeluar Komisionin hetimor parlamentar për rezervat shtetërore.
Pro themelimit të këtij komisioni votuan 69 deputetë, përfshirë edhe nga mazhoranca, ndërsa, gjashtë deputetë abstenuan.
Kryesues i komisionit hetimor për rezervat shtetërore do të jetë deputeti i PDK-së, Rashit Qalaj.
Në këtë seancë kishte debate të ashpra mes deputetëve opozitarë dhe atyre të pushtetit për nevojën e themelimit të këtij komisioni.
Pas përfundimit të kësaj pike, kryetari i Kuvendit të Kosovës, Glauk Konjufca mbylli punimet e seancës plenare dhe njoftoi se seanca e re që ishte parashikuar të mbahet sot do të shtyhet për javën e ardhshme.
