Taravari: Nëse lejohet rikthimi i Gruevskit, ASH do ta shyrtojë pjesëmarrjen në Qeveri
Ndryshimet e fundit në Kodin Penal nuk e rikthejnë Nikolla Gruevskin. Ai ka aq shumë lëndë që as me këto ndryshime nuk mund të rikthehet. Nëse vendos të kthehet në Maqedoni, do të burgoset në kufi. Kështu tha sonte në emisionin “Politica” në telvizionin Globi, kryetari i ASH-së, Arben Taravari.
Për ta sjellur Gruevskin këtu mbase ka mënyra të tjera dhe ne nëse vërejmë se ka tendenca të tilla, ASH do të distancohet dhe do ta shqyrton pjesëmarrjen e vetë në Qeveri, shtoi më tej Taravari.
“Ndryshimet e fundit në Kodin Penal nuk e rikthejnë Nikolla Gruevskin. Unë nuk e di nëse ai e ka ndërmend të kthehet, por e them me plotë përgjegjësi pasi sot kam informata të sakta, ndryshimet në KP, aspak nuk i mundësojnë atij rikthimin në Maqedoni. Ai ka aq shumë lëndë që as me këto ndryshime nuk mund të rikthehet. Ta thjeshtësojë: Sot e premte dhe të hënë Gruevski vendos të kthehet në Maqedoni, do të burgoset në kufi… Për ta sjellur Gruevskin këtu mbase ka mënyra të tjera dhe ne nëse vërejmë se ka tendenca të tilla, ASH do të distancohet dhe do ta shqyrton pjesëmarrjen e vetë në Qeveri”, deklaroi kryetari i ASH-së, Arben Taravari.
Taravari: Ligji për Amnisti kalon javën e ardhshme
Propozim ligji për Amnisti ka shkaktuar debatë të ashpër në seancë Qeveritare. Megjithatë, porpozuesi i tij, ministri i Drejtësisë, Krenar Lloga nuk ka dhënë dorëheqje. Ky sqarim erdhi sonte nga kryetari i ASH-së, Arben Taravari në emisionin “Politica” në televizionin Globi.
“Nuk ka pasur dorëheqje, por ka pasur debat të ashpër në Qeveri me të cilin z. Lloga ka instituar që ky ligj të kalon. Nga partnerët e koalicionit është kërkuar të ryshqirtohet edhe për një javë”, deklaroi Arben Taravari, kryetar i ASH-së.
AAi tha e partnei i koalicioni që ka kërkuar kohë shtesë për propozim ligjin në fjalë, aka qenë LSDM. Është i bindur se dallimet do të tejkalohen dhe javën e ardhshme Ligji do të kalojë.
“LSDM-ja ka pasur diçka që ka dashur të konsultohet dhe ka mbetur për javën e ardhshme besoj të kalon Ligji për Amnisti”, deklaroi Arben Taravari, kryetar i ASH-së.
Ai tha se me këtë ligj ASH nuk tenton të shpëtoj askën nga burgu, por thjeshtë të amnistohet ato persona me vepra penale më të lehta që të lirohet mbipopullimi në burgje, ku tha Taravari, kushtet janë të mjerueshme.
