Biden-Izraelit: Spitali Al Shifa i Gazës duhet të mbrohet

Presidenti amerikan, Joe Biden tha se spitali Al Shifa në qytetin e Gazës duhet të mbrohet. Al Shifa ka tre ditë pa energji elektrike dhe ujë, ndërsa të shtënat dhe bombardimet jashtë kompleksit e bëjnë situatën të vështirë.

“Shpresa dhe pritshmëria ime është që do të ketë më pak ndërhyrje në zonën e spitalit,” u tha presidenti amerikan gazetarëve kur u pyet nëse ai kishte ngritur shqetësime për këtë çështje me qeverinë izraelite. “Spitali duhet mbrojtur”, theksoi ai.

Nga ana e tij, këshilltari amerikan për sigurinë kombëtare, Jake Sullivan tha sot se Izraeli ndan pikëpamjen e Shtëpisë së Bardhë se luftimet pranë spitaleve të Gazës duhet të shmangen.
Ai gjithashtu vuri në dukje se qeveria izraelite ka siguruar se është e gatshme të sigurojë karburant për spitalet në mënyrë që të sigurojë funksionimin e tyre./abcnews,al