Ekspertët e OKB-së bëjnë thirrje të votohet armëpushimin në Gaza në Këshillin e Sigurimit
Ekspertët e OKB-së për të drejtat e njeriut u kërkuan shteteve anëtare të promovojnë armëpushimin “të menjëhershëm dhe të përhershëm” në Gaza përpara votimit të Këshillit të Sigurimit të OKB-së, raporton Anadolu.
“Shtetet anëtare të Kombeve të Bashkuara duhet të përdorin të gjitha masat që kanë në dispozicion dhe ndikimin e tyre për të promovuar një armëpushim të menjëhershëm dhe të përhershëm në Gaza”, thanë ekspertët në një deklaratë.
Shtetet “duhet të mobilizohen tani dhe të veprojnë kolektivisht për të shpëtuar Gazën nga shkatërrimi total dhe vdekshmëria masive, në mënyrë që të ruajnë arsyen e ekzistencës së Kombeve të Bashkuara”.
“Shtetet anëtare duhet të veprojnë në Këshillin e Sigurimit ose Asamblenë e Përgjithshme për të nxitur një armëpushim të përhershëm në Gaza”, nënvizuan ekspertët.
Ata mirëpritën gjithashtu vendimin e Sekretarit të Përgjithshëm të OKB-së Antonio Guterres për t’u thirrur në Nenin 99 të Kartës së OKB-së për herë të parë që kur ai mori postin në 2017, për vendosjen e një armëpushimi.
Në një letër të mërkurën, Guterres tha: “I bëj thirrje Këshillit të Sigurimit të bëjë presion për të shmangur një katastrofë humanitare. Unë përsëris apelin tim për shpalljen e një armëpushimi humanitar. Kjo është urgjente.”
Të paktën 17.487 palestinezë janë vrarë dhe më shumë se 46.480 të tjerë janë plagosur në sulmet e pamëshirshme ajrore dhe tokësore në Rripin e Gazës që nga 7 tetori pas sulmit ndërkufitar nga grupi palestinez Hamas.
