Osmani në Turqi, takohet me Erdoganin: Faleminderit për angazhimin në sigurinë e rajonit

Presidentja e Kosovës, Vjosa Osmani ka udhëtuar drejt Turqisë ku është takuar me homologun e saj turk, Recep Tayyip Erdoğan.

Presidentja Osmani ka falenderuar Erdoganin për mbështetjen dhe anagzhimin e Turqisë në sigurinë e rajonit.

“Sot në Stamboll, takova Presidentin e Republikës së Turqisë, Recep Tayyip Erdoğan.

E falenderova për mbështetjen e fuqishme për Kosovën, përfshirë në periudha të rënda e sfiduese për ne, si dhe e informova për zhvillimet e fundit në vendit tonë.

Do të vazhdojmë të punojmë afër në mënyrë që ta rrisim bashkëpunimin mes vendeve tona e popujve tanë”, shkruan Osmani.