KOSTT: Nga sot rryma në veri do të paguhet njësoj si në gjithë Kosovën
Energjia elektrike tashmë do të paguhet edhe në veri, sikurse në gjithë Kosovën.
Kështu ka bërë të ditur kryeshefi i KOSTT-it, Evetar Zeqiri përmes një postimi në Facebook i cili bëri të ditur se kjo do të ndodh që nga sot.
“Përveç Liberalizimit të Vizave dhe Lëvizjes së pa penguar me targa të RKS, po e ndaj një sukses të jashtëzakonshëm në sektorin e energjisë. Me 1 janar 2024, duke filluar nga 00:01’, furnizuesi Elektrosever Sh.p.k, -kompani e licensuar dhe e regjistruar sipas ligjeve të Republikës së Kosovës -ka filluar të nominoj energjinë për katër komunat e veriut. Pra ka filluar të marrë përgjegjësinë për konsumin e energjisë në veri. Pas më shumë se 20 viteve, energjia e konsumuar në pjesën veriore do të paguhet njësoj sikurse në pjesën tjetër të territorit të vendit”.
-Advertisement-
Ministri Murati: Atë që tjerët nuk arritën ta bënin për dy dekada, Qeveria Kurti e bëri për tri vjet
“Fotografia e parë (në të majtë) tregon periudhën rreth 1 orë para orës 12:00h, para fillimit të nominimit. Ndërsa fotografia e dytë (në të djathtë) tregon kohën diku rreth 6 minuta pas fillimit të nominimit. Vërehet menjëherë një nivel i devijimeve të pa qëllimshme dukshëm më i ulët, pra afër zero”, është shprehur ai.
