UNRWA njofton se ushtria izraelite shkatërroi ambientet e saj në Jabalia
Agjencia e OKB-së për refugjatët palestinezë (UNRWA) tha se “pranoi raportime të tmerrshme” nga ambientet e saj në kampin e refugjatëve Jabalia, në veri të Rripit të Gazës, gjatë ofensivës ushtarake izraelite në kamp, raporton Anadolu.
Më parë, sipas korrespondenti të Anadolu-t, ushtria izraelite u tërhoq plotësisht nga zona e kampit Jabalia dhe rrethinat e tij pas një ofensive që zgjati 20 ditë.
Në një deklaratë, UNRWA tha se njerëzit e zhvendosur, përfshirë fëmijë, të cilët ishin strehuar në shkollat e saj në Jabalia, u vranë dhe u plagosën nga ushtria izraelite.
Në deklaratë shtohet se “tendat e njerëzve të strehuar në shkollën tonë raportohet se janë djegur nga ushtria izraelite”.
UNRWA vuri në dukje se pranoi raportime se zyrat e saj në Jabalia u “shkatërruan nga sulmet ajrore dhe u rrafshuan me buldozerë” nga forcat izraelite.
Deri më tani, “më shumë se 170 objekte të UNRWA-s janë dëmtuar ose shkatërruar në të gjithë Rripin e Gazës” që nga shpërthimi i konfliktit të Gazës më 7 tetor 2023.
Izraeli vazhdon ofensivën brutale ushtarake në Gaza pas inkursionit të Hamasit më 7 tetor, pavarësisht nga një rezolutë e Këshillit të Sigurimit të OKB-së që kërkon armëpushim të menjëhershëm.
Të paktën 36.284 palestinezë janë vrarë që atëherë në Gaza, shumica dërrmuese e të cilëve gra dhe fëmijë, si dhe mbi 82 mijë të tjerë janë plagosur.
Gati tetë muaj pas luftës izraelite, zona të gjera të Gazës janë kthyer në rrënoja mes një bllokade gjymtuese të ushqimit, ujit të pastër dhe ilaçeve.
Izraeli akuzohet për gjenocid në Gjykatën Ndërkombëtare të Drejtësisë (GJND), e cila në vendimin e saj të fundit ka urdhëruar Tel Avivin të ndalojë menjëherë operacionet në qytetin Rafah, ku mbi 1 milion palestinezë kërkuan strehim nga lufta përpara se të pushtohej më 6 maj.
