Vrau 7 persona nga të shtënat në lokal në Mal të Zi, policia gjen automjetin e autorit të arratisur

Të paktën katër persona janë vrarë në një bar në Bajicë në paralagjet e Cetnijes së Malit të Zi në pasditen e 1 janarit, ka konfirmuar policia.

Disa media lokale po raportojnë se numri i të vrarëve ka shkuar në shtatë.

Tre burra dhe një grua janë dërguar në Qendrën Klinike të Podgoricës, dhe jeta e tyre është në rrezik për jetë, ka thënë drejtori i spitalit, Aleksandar Radoviq.

Kryeministri malazez, Millojko Spajiq është parë jashtë spitalit, dhe e ka përshkruar rastin si tragjedi të tmerrshme, dhe që të gjitha forcat policore janë angazhuar në kërkim të vrasësit.

Autoritetet nuk kanë dhënë hollësi për motivet e mundshme të vrasjeve.

Policia është në kërkim të Aco Martinoviqit, i cili është i dyshuar për vrasje dhe plagosje në Cetinje.

Sipas deklaratës së Policisë, në mesin e të vrarëve janë disa anëtarë të familjes së Martinoviqit, i cili është larguar nga lokali i armatosur.

Policia u ka bërë thirrje banorëve të Cetinjes që të qëndrojnë në ambiente të brendshme.

Qyteza e Cetinjes është rreth 30 kilometra larg Podgoricës.

Qeveria e Malit të Zi i ka shpallur tri ditë zie, më 2,3 dhe 4 janar, për shkak të këtij rasti.

Koncertet për shënim të Vitit të Ri janë anuluar në Podgoricë, Budvë dhe Kotor, ndërsa kryeministri Spajiq u ka bërë thirrje edhe komunave tjera që t’i anulojnë organizimet e jashtme./REL

Lajmi në përditësim

Raportohet se është gjetur vetura me të cilën është arratisur i dyshuari për vrasjen e shtatë personave në Mal të Zi

Policia e Malit të Zi e ka gjetur veturën me të cilën është arratisur Aco Martinoviq, i dyshuari për vrasjet në Cetinje, raporton “Vijesti”.

Sipas raportimeve të mediave malazeze, ai dyshohet për vrasjen e shtatë personave, në mesin e të cilëve edhe dy fëmijë. Katër persona të tjerë kanë mbetur të plagosur.

Fotoja e të dyshuarit është publikuar nga Policia, derisa është njoftuar se ai është i armatosur.

“Policia është duke ndërmarrë të gjitha aktivitetet në juridiksionin e saj për lokalizimin dhe vënien nën kontroll të personit dhe në terren ndodhen të gjitha njësitë organizative në dispozicion të policisë, përfshirë edhe Njësinë Speciale të Policisë. Vërejmë se personi është i armatosur dhe i rrezikshëm. Edhe edhe një herë drejtpërsëdrejti apelojmë te qytetarët e Cetinjës që të qëndrojnë të vëmendshëm dhe të qëndrojnë në objektet e tyre të banimit dhe të mos lejojnë persona të panjohur në shtëpitë e tyre, ndërsa policia të marrë të gjitha masat dhe veprimet me qëllim mbrojtjen e tyre dhe ndjekjen penale të autorëve. të kësaj ngjarje”, thuhet në njoftim.
Policia e Malit të Zi e ka gjetur veturën me të cilën është arratisur Aco Martinoviq, i dyshuari për vrasjet në Cetinje, raporton “Vijesti”.

Sipas raportimeve të mediave malazeze, ai dyshohet për vrasjen e shtatë personave, në mesin e të cilëve edhe dy fëmijë. Katër persona të tjerë kanë mbetur të plagosur.

Fotoja e të dyshuarit është publikuar nga Policia, derisa është njoftuar se ai është i armatosur.

“Policia është duke ndërmarrë të gjitha aktivitetet në juridiksionin e saj për lokalizimin dhe vënien nën kontroll të personit dhe në terren ndodhen të gjitha njësitë organizative në dispozicion të policisë, përfshirë edhe Njësinë Speciale të Policisë. Vërejmë se personi është i armatosur dhe i rrezikshëm. Edhe edhe një herë drejtpërsëdrejti apelojmë te qytetarët e Cetinjës që të qëndrojnë të vëmendshëm dhe të qëndrojnë në objektet e tyre të banimit dhe të mos lejojnë persona të panjohur në shtëpitë e tyre, ndërsa policia të marrë të gjitha masat dhe veprimet me qëllim mbrojtjen e tyre dhe ndjekjen penale të autorëve. të kësaj ngjarje”, thuhet në njoftim.