Mbi 33 mijë studentë kanë marrë vauçer prej 15.300 denarëve

Qeveria njoftoi se deri më dje janë shpërndarë gjithsej 33,682 vauçerë për studentë, secili me vlerë prej 15,300 denarë. Nga këta, 11,500 studentë tashmë i kanë përdorur me sukses kuponët dhe kanë marrë pajisje të reja elektronike, përcjell TV21.

“Këto shifra tregojnë qartë se interesi është i madh, implementimi i qëndrueshëm, dhe masa po sjell rezultate reale”, deklaroi zëdhënësja e Qeverisë, Marija Miteva.

Miteva theksoi se masa është planifikuar dhe zbatuar me kujdes në bashkëpunim me ministritë përkatëse.

“Kjo masë nuk është rastësore dhe as e improvizuar. Ajo është planifikuar në mënyrë të saktë dhe në kohë nga Sekretariati i Përgjithshëm i Qeverisë, në bashkëpunim të ngushtë me Ministrinë e Digjitalizimit dhe Ministrinë e Arsimit dhe Shkencës. Kjo koordinim institucional na ka mundësuar organizim të shpejtë të procedurave, kritere të qarta për studentët, sistem teknik të harmonizuar për shpërndarjen dhe realizimin e kuponëve dhe një transparencë të lartë të procesit”, sqaroi ajo.