Dogana e RMV-së kap 200 thasë me detergjent të falsifikuar
Nga Drejtoria e Doganave njoftojnë se në Tetovë janë kapur 2000 kilogramë detergjent i falsifikuar, që po vinte nga Turqia, ndërsa si destinacion kishte Shkupin.
Sipas Doganës, kompania përkatëse ka konfirmuar se malli është i falsifikuar dhe i njëjti do të asgjësohet.
Njoftimi i plotë:
PARANDALOHET NJË TENTIM PËR KONTRABANDË TË 2000 KG DETERGJENT PËR RROBA I FALSIFIKUAR, I CILI ËSHTË I DËMSHËM PËR SHËNDETIN E QYTETARËVE DHE PËR MJEDISIN
Doganierët e Zyrës Doganore të Tetovës parandaluan një përpjekje për të kontrabanduar mallra që ishin ngarkuar në Turqi dhe të destinuara për një importues nga Shkupi. Bëhej fjalë për 2000 kg, ose 200 qese me 10 kg detergjent me markën tregtare Ariel, e cila shkel të drejtat e pronësisë intelektuale.
Përfaqësuesi ligjor i mbajtësit të së drejtës u njoftua përmes Departamentit për masa jo-tarifore dhe mbrojtje të të drejtave të pronësisë intelektuale në drejtorinë e doganave, i cili konfirmoi se detergjenti në fjalë ARIEL është i falsifikuar dhe kështu shkel të drejtat e pronësisë intelektuale, për të cilat ai pranoi të shkatërrojë mallrat.
Pas kryerjes së një procedure, do të ngrihet padi përkatëse kundër autorit.
Përpjekjet e përditshme të oficerëve doganorë në shtypjen e tregtisë së paligjshme dhe kontrabandës janë shumë të rëndësishme me qëllim mbrojtjen e shëndetit të qytetarëve dhe parandalimin e kontrabandës së produkteve që janë të dëmshme për shëndetin e qytetarëve, si dhe mbrojtjen e mjedisit nga ndotja e shkaktuar nga përbërja kimike e pakontrolluar.
