Gjashtë migrantë nga Egjipti u zbuluan në Gjevgjeli, katër persona u arrestuan

Më 03.01.2026, rreth orës 19:00, në hyrje të Gjevgjelisë, zyrtarë policorë nga Stacioni Policor për kalim kufitar dhe mbikëqyrje kufitare Bogorodicë privuan nga liria një 15-vjeçar nga fshati Tërkanjë, rajoni i Koçanit, dhe një 16-vjeçar nga fshati Budinarcë, rajoni i Berovës, me vendbanim në Vinicë.

Më herët, rreth orës 18:40, ishte vërejtur një grup prej gjashtë migrantësh që lëviznin nga Greqia drejt Maqedonisë dhe, pasi hynë në territorin tonë, u vunë re dy automjete që po lëviznin drejt tyre, me ç’rast pesë prej migrantëve hynë në automjetin “Fiat Stilo” me targa të Dellçevës.

Pas masave të ndërmarra, automjeti u ndalua në hyrje të Gjevgjelisë dhe u konstatua se drejtohej nga 15-vjeçari, ndërsa 16-vjeçari ishte pasagjer. Në automjet u gjetën pesë migrantë nga Egjipti, prej të cilëve dy ishin të mitur.

Pak më vonë, në afërsi të vendit, u gjet dhe u privua nga liria edhe M.J. (22) nga Egjipti, i cili ishte udhëheqës i grupit.

Ndërkohë, pas masave dhe aktiviteteve të ndërmarra, në orën 21:40, në rrugën “Hristijan Karpush” në Shtip, zyrtarë policorë nga SPB Shtip e gjetën dhe e ndaluan edhe automjetin e dytë, “Volkswagen Golf”, me targa të Dellçevës, pas së cilës, për shkak të dyshimeve për përfshirje në ngjarje, u privuan nga liria një 16-vjeçar me vendbanim në Vinicë dhe L.P. (22) nga Koçani, të cilët ndodheshin në automjet.

Të gjitha personat janë mbajtur në stacion policor dhe, pas dokumentimit të plotë të rastit, ndaj tyre do të parashtrohet kallëzim përkatës./albazone.mk