Raketa iraniane bie në qytetin ku zhvillohet programi bërthamor i Izraelit
Një raketë balistike iraniane ka goditur një ndërtesë njëkatëshe në qytetin Dimona në Izraelin jugor mbrëmjen e sotme, sipas Shërbimeve të Zjarrfikësve dhe Shpëtimit të Izraelit, duke lënë të plagosur disa persona.
Disa raunde sirenash paralajmëruan për raketat që po vinin në Dimona, qytetin ku zhvillohet programi bërthamor i Izraelit
Transmetuesi kombëtar iranian IRIB TV pretendoi se sulmi në Dimona kishte në shënjestër objektet bërthamore dhe se erdhi si përgjigje ndaj sulmit të mëparshëm të Izraelit në Natanz, vendndodhjen e një objekti bërthamor iranian.
Magen David Adom (MDA), një shërbim izraelit reagimi ndaj emergjencave, tha se po trajtonte dhjetëra persona të plagosur, përfshirë një djalë 10-vjeçar i cili mori lëndime të rënda.
