Kurti për postin e presidentit: Opozita s’i ka votat as për aplikim, s’ia ka dhënë populli o vlla
Kryeministri i Kosovës, Albin Kurti, ka thënë se problemi për çështjen e presidentit, është se si opozita me kaq pak numra ka refuzuar ofertën “gjeneroze” të tij. Ai ka thënë se nuk mund t’i japë një post dikujt, që nuk e ka marrë nga populli.
Në një deklaratë për mediat të martën, Kurti ka thënë se zgjedhjet janë të panevojshme dhe se nuk do të sjellin asgjë të re.
“Çka të bëj me rezultatin zgjedhor që mi kanë dhënë 51.1%. Ata nuk i kanë votat as për t’i mbledhur nënshkrimet për një kandidat. 22 deputetë të PDK-së nuk mjaftojnë as të aplikojnë. Për shembull a keni aplikuar për punë ju ndonjëherë? Paramendoje të mos i kesh dokumentet… e po thua a hy në punë, por ti s’i ke as dokumentet të aplikosh. Me ja dhënë atij po thua, por s’ia ka dhënë populli o vëlla, qysh me ia dhënë unë kur s’ia ka dhënë populli”, ka thënë Kurti.
Ndiqeni videon e mëposhtme:
