Çmimet në treg po rriten dita-ditës, vaji për gatim shitet mbi 130 denarë

Çmimet e të gjitha produkteve po rriten dita-ditës. Qytetarët ankohen se sa herë hyjnë në një dyqan shohin çmime të reja, shkruan Alsat.

Edhe përkundër masave të Qeverisë, rritje të çmimeve ka edhe në produktet bazë ushqimore si qumështi dhe mielli, ndërsa vaji i ushqimit në disa markete shitet me 133 denarë për litër.

“Edhe atë çfarë dallimi ka, më parë me një mijë denarë do ta blije atë që të nevojitej, por tani nëse del me ato para nuk ke çfarë të blesh”.

“Është shumë e vështirë, është e vështirë, nuk jetohet me këtë shtrenjtësi. Vaji është 130 denarë, mielli është më i shtrenjtë, vezët janë më të shtrenjta siç thonë, nuk do të ketë vezë, mishi, gjithçka është më shtrenjtë”.

“Për të mos thënë se çmimet janë “helm”, për herë të fundit 120 denarë, por na kanë thënë se do të jetë 140 denarë. Gjithçka është më e shtrenjtë”.

“Vaji ka çmime të ndryshme në dyqane të ndryshme nga 100 deri në 130 denarë. Unë blej më shumë perime dhe fruta në treg dhe çmimet e çdo gjëje janë rritur”.

“Vaji që e pashë tani në Autokomandë është 145 denarë, ndërsa në dyqanet e tjera nuk kishte vaj askund”.

Zyrtarët thonë se çmimet janë rritur, veçanërisht për vajin e gatimit, por thonë se kjo është për shkak të rritjes së çmimit të vajit të papërpunuar në tregjet botërore. Masat e qeverisë për kufizimin e marzheve të fitimit në tregtinë me shumicë dhe pakicë, si dhe shitjen e vajit të gatimit, bukës dhe miellit me çmime me pakicë, do të vlejnë deri në fund të muajit të ardhshëm./Alsat.mk