Dhjetëra padi ndaj klinikës “Zhan Mitrev” nga qytetarë të Maqedonisë, Kosovës, Serbisë…
Media të rajonit si nga Kosova, Shqipëria, Serbia dhe Mali i Zi kanë shkruar për rastin me klinikën “Zhan Mitrev”, përcjell portali DokazM.
Sipas këtij shkrimi, janë paralajmëruar mbi 150 padi kundër pacientëve të vdekur nga Kosova, Shqipëria, Mali i Zi dhe Serbia.
Laboratori Investigativ Reporter (IRL) publikoi dokumentarin “Dirty Blood” në të cilin lindën dyshimet se në klinikën Zhan Mitrev u kryen eksperimente mbi pacientët me COVID-19, ku disa prej tyre ishin të infektuar me bakterie. Nga 6000 deri në 12000. euro kushtoi dhjetë ditë kujdes gjysmë intensiv për pacientët me COVID-19 në këtë spital privat në Shkup.000 euro.
Prokuroria themelore publike në Shkup ka nisur hetimet paraprake dhe janë kryer kontrolle të jashtëzakonshme në klinikën “Zhan Mitrev” në Shkup, pasi në opinion janë zbuluar dyshime se në atë institucion janë kryer trajtime eksperimentale te pacientët.
Në mesin e pacientëve me Covid të cilët janë trajtuar , ka edhe pacientë nga Mali i Zi, por për momentin nuk dihet numri dhe trajtimi i tyre.
“Politika” raportoi javën e kaluar se hemofiltrimi, i cili përdoret te pacientët për të pastruar gjakun nuk është miratuar për trajtimin e Covid-it.
Hulumtimi i IRL bazohet në 24 aplikacione të qytetarëve të Maqedonisë dhe Kosovës të cilët kanë paguar për trajtimin e familjarëve të tyre pa u informuar se kanë qenë pjesë e një studimi mjekësor. Emisioni hulumtues-dokumentar “Gjaku i pistë” plotësohet me dëshminë e një familje, anëtari i së cilës ka ndërruar jetë në këtë klinikë pas infeksioneve të shumta bakteriale intraspitalore gjatë hemofiltrimit, transmeton “Politika”.
Sipas familjarëve më të afërt të pacientëve të vdekur, ata kanë shpenzuar deri në 50.000 euro për mjekim dhe për më tepër kanë blerë privatisht barna çmimi i të cilave arrinte deri në 8.000 euro.
Pas transmetimit të dokumentarit, Spitali “Zhan Mitrev” hodhi poshtë të gjitha informacionet e publikuara në dokumentar si të pavërteta, duke i akuzuar autorët për shpifje të qëllimshme. Kjo klinikë tha për Radion Evropa e Lirë se të gjithë pacientët marrin një listë të plotë të daljes nga spitali në të cilën renditen të gjitha trajtimet, medikamentet dhe procedurat e trajtimit dhe nuk komentohen rastet individuale. Ata po ashtu kanë thënë se janë duke bashkëpunuar me institucionet dhe se do të sigurojnë të gjithë dokumentacionin që u kërkohet.
