Çavushoglu: Sytë e të gjitha vendeve të botës, të pasura apo të varfra, janë të përqendruara te Türkiye
Ministri i Punëve të Jashtme i Türkiye-s, Mevlüt Çavuşoğlu ka deklaruar se vendet e zhvilluara dhe vendet e tjera presin një zgjidhje nga Türkiye dhe presidenti Recep Tayyip Erdoğan kur ka një problem, raporton Anadolu Agency (AA).
Në një konferencë mbi problemet globale të organizuar në qytetin Denizli, Çavuşoğlu tha se miliona njerëz në mbarë botën po i drejtohen Türkiye-s.
“Në të kaluarën, të shtypurit iu drejtuan Türkiye-s. Tani, vendet më të zhvilluara në botë po i drejtohen Türkiye-s. Nëse ka një problem, edhe ka shumë probleme në rajonin tonë, 60 për qind e konflikteve janë në gjeografinë tonë. Tani të gjithë thonë se Türkiye do ta zgjidhë atë, do ta zgjidhë Recep Tayyip Erdoğan atë”, tha Çavuşoğlu.
Ai kujtoi se gjatë krizës së drithërave, qofshin vendet e pasura apo të varfra, i janë drejtuar Türkiye-s.
“Sot, të gjithë sytë dhe veshët janë drejtuar te Türkiye, si në plotësimin e nevojave për energji elektrike të vendeve të Evropës Lindore dhe vendeve të Ballkanit, ashtu edhe në dërgimin e gazit të prodhuar në Azerbajxhan në ato tregje dhe në vendet në krizë energjetike. Prandaj, përgjegjësia jonë është e madhe”, u shpreh shefi i diplomacisë turke.
