ASH-ja kërkon dorëheqjen e kryetares së qytetit Shkupit, Danella Arsovskës

Aleanca për Shqiptarët ka reaguar pas problemeve të transportuesve privat në Shkup.

Nga ASh thonë se kryetarja e Qytetit të Shkupit, Danella Arsovska po bëhet e dëmshme për të gjithë shkupjanët ndërsa si rrjedhojë kërkojnë dorëheqjen e saj.

Postimi i plotë:

Kryetarja e Qytetit të Shkupit, Danella Arsovska, ka kohë që ka dështuar në detyrën e saj, ndërsa tani po bëhet e dëmshme për të gjithë shkupjanët.

Pas largimeve padrejtësisht nga puna të të punësuarve në ndërmarrjet publike, tani ka bllokuar edhe transportin publik duke goditur transportuesit privat dhe të gjithë qytetarët e Shkupit.
Do të bënim thirrje për të zgjidhur problemin, por Arsovska tanimë ka dëshmuar paaftësinë dhe keqmenaxhimin e saj, kështu që zgjidhjen e vetme për të gjitha problemet e shohim te dorëheqja e saj e menjëhershme.

Aleanca për Shqiptarët vlerëson se kryeqyteti nuk guxon të ngelet në një gjendje të këtillë kaotike, të keqpërdoret për inate dhe interesa personale e klanore, por duhet patjetër të vendoset në shërbim të qytetarëve të Shkupit.

– Aleanca për Shqiptarët –