Një vit nga aplikimi i Ukrainës për t’u anëtarësuar në BE, Zelensky: Koha për të vendosur për nisjen e negociatave

Një vit më parë sot, katër ditë pas pushtimit rus të Ukrainës, presidenti Volodymyr Zelensky paraqiti një kërkesë për anëtarësimin të shpejtë të vendit të tij, në Bashkimin Evropian.

Zelensky bëri thirrje për anëtarësimin e menjëhershëm të Ukrainës në aleancë dhe u kërkoi vendeve anëtare të pranojnë aplikimin e saj në një adresë drejtuar liderëve të BE-së muajin e ardhshëm.

Më 23 qershor të vitit të kaluar, BE i dha statusin e kandidatit Ukrainës duke hapur rrugën e saj drejt anëtarësimit.

Por procesi i anëtarësimit në bllok mund të jetë i gjatë dhe pas 12 muajsh, Ukraina është ende në pritje.

Duke shënuar përvjetorin, udhëheqësi i Ukrainës tha sot se viti 2023 “është koha për të vendosur për nisjen e negociatave të anëtarësimit”.

Zelensky shtoi se Ukraina “e ka bashkuar BE-në si kurrë më parë” dhe po “mbron vlerat evropiane për brezat që vijnë”.

Europa do të “bëhet e plotë” kur Ukraina të jetë në bllok, shtoi ai.

Presidentja e Komisionit Evropian Ursula von der Leyen mbështeti anëtarësimin në BE për Ukrainën, por paralajmëroi se anëtarësimi do të ishte më i ngadalshëm sesa shpresonte Zelensky.

Të 27 shtetet anëtare duhet të bien dakord për të pranuar një anëtar të ri në BE./