Grubi: Për Ali Ahmetin dhe BDI-në, bashkimi i shqiptarëve më i rëndësishëm se pushteti!

Zëvendëskryetari i Parë i Qeverisë, njëherë edhe shef i kabinetit të kryetarit të BDI-së, Artan Grubi, në takimin që mbrëmë pati me banorët e K.V. Dizhoni 1, midis tjerash tha se për Bashkimin Demokratik për Integrim dhe për Ali Ahmetin, më i rëndësishëm është bashkimi i shqiptarëve se sa pushteti.

Grubi ka thënë se së fundmi BDI-ja e ka dëshmuar këtë duke ndarë pushtetin me të vetmin qëllim, integrimin e vendit në BE, sepse sipas tij, kjo është më e rëndësishme se sa pushteti.

“Ali Ahmeti po ua shtrin dorën edhe krejt partive tjera. Po japim pjesë të pushtetit, ejani që të bëhemi bashkë, se Europën e kemi më me rëndësi se çdo gjë, më me rëndësi se pushteti. Projektet si Korridori 8, rruga Shkup-Bllacë, investimet e huaja, i kemi më me rëndësi se sa pushteti i BDI-së. Ejani t’i bëjmë bashkë, varet prej jush se si do të na udhëzoni, në rrugë të drejtë. A jeni për bashkim, apo jeni për përçarje. Me sa ju shoh me numra, se po rriteni, ju doni bashkim. Të gjithë me ardh’ aty ku thërret Ali Ahmeti, për Europë”, ka thënë mes tjerash Grubi.