Pamje dramatike nga përmbytjet në Itali, rrëshqitja e dheut merr me “vete” rrugën (Video)

Italia ditët e fundit po kalon përmbytje të cilat kanë sjell edhe viktima.Moti i keq që ka bërë kërdi në të gjithë veriun e Italisë, kanë lënë qytete të tëra të zhytura nën ujë dhe kanë mbushur rrugët me ujë si dhe ka pasur rrëshqitje dramatike të dheut, ndërsa vendasit përpiqen të shpëtojnë.

Në pamjet e reja duken shkallën e shkatërrimit të përmbytjeve vdekjeprurëse, që kanë mbytur të paktën nëntë njerëz në rajonin Emilia-Romagna, me rrugët e kthyera në lumenj që lëvizin me shpejtësi.

Përmbytjet shkatërruese kanë rrëmbyer veturat dhe video tregon një rrugë të tërë në Emilia-Romagna duke u rrëmbyer nga një rrëshqitje shkatërruese dheu. Përmbytjet kanë bërë që mijëra italianë të evakuohen nga shtëpitë e tyre tani të shkatërruara – dhe përmbytjet nuk tregojnë asnjë shenjë pakësimi.

Autoritetet në qytetin e Ravenës lëshuan sot një urdhër të menjëhershëm evakuimi për tre fshatra të kërcënuar nga përmbytjet.