Kurti s’heq dorë: Fillimisht mbizotërimi i ligjit, pastaj zgjedhjet pas disa muajsh

Kryeministri i Republikës së Kosovës nuk e ka ndërmend të tërhiqet përballë kërkesave të amerikanëve.

Kjo pasi, ai e ritheksoi për mediet ndërkombëtare faktin që zgjedhjet mund të mbahen pas disa muajsh, por fillimisht në pjesën veriore duhet të mbizotërojë ligji, përcjell lajmi.net.

“Pas disa muajve mund të kemi zgjedhje të parakohshme, por ky nuk është qëllimi. Qëllimi është sundimi i ligjit”, tha fillimisht i pari i ekzekutivit.

Tutje ai shtoi se është e ditur që kryetarët nuk do të rizgjedhen, por aktualisht janë legalë.

“Në Kosovë nuk mund ta marrësh pushtetin pa zgjedhje. Kryetarët në katër komunat veriore mund të mos kenë shumë legjitimitet, por i tjerëve është zero”, pohoi shefi i qeverisë.