Austri, shtëpia ku ka lindur Hitleri do të bëhet stacion policie
Në tetor pritet të nisë puna për shndërrimin e shtëpisë ku lindi Adolf Hitleri në një stacion policie, njoftoi sot qeveria austriake. “Puna është planifikuar të fillojë më 2 tetor,” i tha AFP një zëdhënës i ministrisë së brendshme austriake.
Në një deklaratë të fundit për shtyp u njoftua se shtëpia ku lindi Adolf Hitleri më 20 prill 1889 – në qytetin Braunau, afër kufirit të Austrisë dhe Gjermanisë – do të kthehet në një stacion policie dhe një qendër trajnimi për të drejtat e njeriut.
Qeveria austriake vendosi të mos e kthejë atë në një muze, nga frika se mund të bëhet një vend pelegrinazhi për neo-nazistët. U përjashtua edhe skenari i prishjes, për të mos parë si tentativë për të fshirë të kaluarën e errët.
Do të kushtojë 20 milionë euro
Qeveria austriake ka zhvilluar një betejë ligjore për të siguruar pronësinë e objektit rreth 800 metra katrorë, shndërrimi i së cilës në komisariat pritet të përfundojë në vitin 2026. Kostoja e punës tani vlerësohet në 20 milionë euro, krahasuar me pesë sa ishte vlerësuar fillimisht.
Ginder Schweiger, regjisor i një dokumentari për vendlindjen e Adolf Hitlerit, u ka bërë thirrje autoriteteve të braktisin planet për ta kthyer shtëpinë në një stacion policie. Do të ishte “përmbushja e dëshirës së vetë Hitlerit” për përdorim administrativ të vendit, siç shprehet në një artikull të gazetës lokale në maj 1939, tha Schweiger sot në një konferencë shtypi në Vjenë.
Faqet e errëta të historisë përhumbur për dekada me radhë Austrinë, e cila u aneksua nga Gjermania në vitin 1938. Pas përfundimit të Luftës së Dytë Botërore, vendi u prezantua si “viktima e parë e nazizmit” dhe shumica e opinionit publik mohoi me kokëfortësi bashkëpunimin e Austriakët ndaj mizorive të Rajhut të Tretë. Qasjet e para kritike filluan të shfaqen në mesin e viteve 1980.
