Protestuesit kundër luftës në Gaza ia ndërprenë fjalimin Blinkenit në Senat (Video)

Protestuesit që bënin thirrje për një armëpushim në Gaza ndërprenë Sekretarin amerikan të Shtetit, Antony Blinken gjatë një seance dëgjimore në Senat të martën.

“Armëpushim tani”, ishin brohoritjet e tyre, kur Blinken ia filloi të fliste (së bashku me Sekretarin amerikan të Mbrojtjes Lloyd Austin) për kërkesën e Shtëpisë së Bardhë për financimin e sigurisë kombëtare prej 106 miliard dollarësh. Që përfshin rreth 14 miliard dollarë për të mbështetur përpjekjet ushtarake të Izraelit kundër grupit terrorist Hamas.

Duke u ngritur një nga një, protestuesit prisnin që Blinken të fillonte dëshminë e tij përpara se të bërtisnin përsëri. Sekretari i Shtetit bëri një pauzë dhe ligjvënësit u detyruan të pezullonin seancën disa herë, shkruan BBC.

Ndërsa, Policia e Kapitalit shoqëroi shpejt demonstruesit nga dhoma dhe, tha se 12 persona ishin arrestuar për protesta të paligjshme.

Disa nga ata që ndërprenë procedurat ishin të lidhur me organizatën majtë kundër luftës “CODEPINK”, që gjithashtu ka kërkuar që SHBA të ndalojë dërgimin e armëve në Ukrainë.