VLEN jep detaje nga takimi, tregojnë se çka u diskutua në selinë e VMRO-së

Nga VLEN-i kanë dhënë detaje për takimin e sotëm mes grupeve punuese.

“Sot u mbajt takim punues ndërmjet grupeve punuese të koalicionit VLEN dhe VMRO-DPMNE-së në hapësirat e selisë së VMRO-DPMNE-së. Në takim u theksua se është e nevojshme të ruhen përcaktimet programore që morën mbështetje nga qytetarët. Gjatë udhëheqjes së tillë të përbërjes së ardhshme qeveritare të respektohen parimet e dakorduara të veprimit, dinamizimi i fuqishëm i integrimeve në BE, lufta e pakompromis kundër korrupsionit dhe krimit dhe reformat ekonomike për një standard më të lartë jetese. Grupet e punës u dakorduan që bisedimet në frymë pozitive do të vazhdojnë edhe në periudhën e ardhshme”, thuhet në njoftimin e VLEN.