Momenti kur presidenti përballet me gjeneralin puçist (Video)
Përballja “kokë më kokë” mes presidentit bolivian dhe gjeneralit puçist u kap e gjitha në kamera. Në videon e publikuar nga Reuters shihet Presidenti Luis Arce i cili debaton ashpër me Gjeneralin Juan Jose Zuniga, teksa ai drejtonte një përpjekje për grusht shteti.
Në video Arce dëgjohet teksa i kërkon gjeneralit të tërheqë urdhrin dhe të largojë forcat ushtarake nga godina qeveritare teksa thotë “Jam unë kapiteni i tyre”.
Data, vendi dhe personazhet në video janë konfirmuar nga Reuters.
Pjesë nga debati
ARCE: Jemi të mërzitur që jeni këtu!
ZUNIGA: Edhe ne!
Një grua e paidentifikuar: Këtu janë njerëzit që nuk do t’u lënë ta bëni gjeneral!
ARCE: Komandanti jam unë!
Një grua e paidentifikuar: Ja ku është komandanti yt.
Një burrë i paidentifikuar: Nuk mund të tërhiqemi
ARCE: Atëherë binduni urdhrit tim Kapiten apo Gjeneral: Tërhiqni urdhrin dhe dërgoni policinë ushtarake në kazermë, tani!
ZUNIGA: Nuk bëhet. Nuk bëhet. Nuk mund të keq kaq shumë përbuzje.
ARCE: Gjeneral, nuk mund ta lejoj këtë që po bëni kundër popullit bolivian.
Një grua e paidentifikuar: Është kundër demokracisë, kundër popullit.
Një burrë i paidentifikuar: Rroftë demokracia, ta marrë djalli!
ARCE: Nëse respektoni urdhrat ushtarakë, pretendoni se jeni një ushtarak i mirë, atëherë tërhiqni trupat.
Forcat e armatosura boliviane mësynë në godinën presidenciale në La Paz të mërkurën, por më pas u tërhoqën dhe gjenerali u arrestua. Presidenti Arce e cilësoi veprimin e tij si një përpjekje për grusht shteti dhe bëri thirrje për mbështetje ndërkombëtare.
